life's love

سألتهم شنوة نعمل باش ننسى؟
قالولي عبي وقتك بأي حاجة.. قلت برا خنجرب
خرجت، حوست، قابلت عباد، كليت، شربت، حكيت، كتبت، سمعت غناء، قريت كتب…. و تعرفوا شنوة الي صار؟
كي خرجت و حوست، كل بلاصة فكرتني بيك
كي قابلت عباد، كل عبد نقارنو بيك
كي كليت، كليت الماكلة الي انت تحبها
و كي شربت، شربت أكثر ڤازوزة تحبها
كي حكيت، حديثي الكل لقيتو عليك
و كي كتبت، كل حرف يحكي عليك
كي سمعت غناء، أول غناية سمعتها غنايتنا و كي جربت غنايات أخرى مخي قعد يعاود في غنايتنا
حتى كي قريت كتب، كل سطر نقراه فيه يحكي على حاجة منك…
ريت كيفاه مانجمتش…
زعما كان نسألك، تنجم انت تقلي كيفاه ننسى؟

shaima attia

تتفكروا كي كنت ديما نكتب عالحب و الي الإنسان الي نحبوه عمرنا لانا باش نجموا نبعدوا عليه و « هو أو لا أحد » و تقول حياتك تاقف بعدو…
بالوقت و الأيام عرفت الي الكلام إلي كتبتوا موش صحيح، بطوال المدة تعلمت الي عمرك لا يجيك نهار و توقف حياتك على عبد و الي حتى حد ما يستحقك و حد ما يستحق باش تعطيه روحك خاطر فلخر باش تدوملك كان روحك، الي مشى خاطر هو يحب خليه يمشي، متخلطش وراه، متعرفش عالدنيا كان فما مكتوب باش يرجع تو يدور يدور و يرجع و كان العكس كهو خليه يمشي على روحو.
انت زادا شوف حياتك و عيش، عيش منغيرو، منغير ما تخترعوا في خيالك، عيش الحقيقة الي قدامك و ماتبنيش في راسك أحلام وردية و تمنّي روحك بحاجات ماكش ضامنة تصير، ممكن ماللول باش تكونلك حكاية صعيبة أما بعد بالوقت باش تتعود، ماكش باش تنسى أما باش تستانس ببُعدو عليك، معادش باش تراه و باش يوليلك اسمو حاجة عادية كأنو عبد عادي في حياتك. و بينك و بين روحك باش تحس براحة نفسية.
و من نظرة أخرى من الحياة، يقولو ما تحس بقيمة الحاجة كان كي تفقدها، و أنا متأكدة الي العبد الي نسيتو « ستانست تعيش بلاش بيه » باش يجيه نهار و باش يتفكر الباهي الي عاشو معاك و أيماتكم و فازاتكم و كيما يقولو الدنيا دوارة و متعرفش عليها شنوا مخبيتلك، ينجم يجي نهار و باش يرجع يلوج عليك في حياتو، أما زعما باش يلقاك؟
الحكاية تو ترجعلك ليك انت و الحاجات الي قاعدة تعيش فيهم في الوقت الي هو حب يرجعلك فيه.
أما بالي باش يصير و بالي باش يكون قرارك أعرف الي انت (الي تقرا تو) راك انسان محلاك و روحك محلاها و راك تستحق اي حاجة باهية في الدنيا هاذي أما مرات الظروف تحكم..
شيماء عطية

كي نكتب حاجة و نهبطها الأكثرية نبدى نحكي على حاجات صارولي و برشا عباد يقولولي « عيشك فرهدتلنا على قلوبنا » ولا « قلت الكلام الي منجمناش نقولوه » برشا حكايات تصير للعباد تشبه لبعضها و كي تحكيو لبعضكم يقولو « أيه حاسس بيك و نعرف في شنوة تحس و حسيت حتى أنا أكيكا قبل » أما موش صحيح.. ممكن يكونو صارولكم نفس الحاجات أما موش بالضرورة تحسو كيف كيف

قداش من مرة قلنا على عباد منجموش نعيشو بلاش بيهم و حياتنا بعدهم توفى و يمشي عبد و نعرفو عبد آخر و نقولو عليه نفس الكلام و العبد الجديد يمشي و يجي بعدو واحد آخر و أحنا مزلنا عايشين و الحياة تستمر بيهم ولا بلاش و ممكن نكونو بلاش بيهم خير، نقعدو برشا مانتقابلوش و مانحكيوش و نقولو كهو نسينا و تعدينا و فجأة يطلعلك من بلاصة عمرك ما كنت تتصورها تجي العين في العين تتفكر سنين تعدات معاه بالباهي و بالخايب، و انتي و كيفاه تحس يا تتفكر الباهي يا الخايب أكثر انتي و شنوة صارلك و ترجع بالأحداث كي ترينو تتعدى مابين عينيك… هذا الكل في الغزرة الي صارت و ما فاتتش الثانية، تهبط راسك و تكمل طريقك كاينو ما صار شي عادي و الحياة تستمر.. باش تحب و تتحب و كل مرة تقول هذا الي باش نكمل معاه حياتي لين يجي العبد الي باش يكون بالحق حب حياتك. وقتها باش تعرف الي الحاجات الي عشتهم قبل كانو تجارب في حياتك تعلمت منهم برشا باش وليت عبد قوي و تنجم تعمل على روحك و تعلمت كيفاه تطيح و تقوم وحدك و تعرف مليح الي حياتك عمرها لاهي باش تاقف على حد❤️

شيماء عطية

2020 was one of the best, worst, funniest, weirdest, loved year ever…

عدينا عام بالباهي و الخايب، دمعة و ابتسامة حسينا رواحنا عشنا و شفنا حاجات أكبر من عمارنا تلزينا باش نعيشو هكا و ديما نقولو الحمد لله على كل شيء. عام تعدى.. خسرنا عباد، فقدنا عباد.. حبينا و اتحبينا و اتعرفنا .. بعدنا علي قلنا عليهم الدنيا و قربنا للي عمرنا ما تصورناه ولا جا على بالنا، كرهنا و كرهونا زادا… في العام هذا ماتت قلوب و بردت قلوب على عباد ماتستاهلش غزرة منا، و دقت قلوبنا لعباد جديدة و جديد يا رابح عباد حققت أحلام و عباد قعدت عايشة في الأوهام، العام هذا تعدى خايب لبرشا عباد و أنا منهم، قداش من مرة حسيت الي الدنيا خايبة و كيفاش تحصرنا و قعدنا بعاد عالعباد الي نحبوهم، العام هذا خسرت عباد مكنتش نتصور حياتي بلاش بيهم أما اكتشفت الي أنا غالطة و الي حياتنا متاقف على حد… قعدت نكمل في 2020 كيما هو و منكذبش عليكم ماكنتش فرحانة… للي جا نهار و تعرفت عليه، العبد الي خلاني نحب الدنيا، العبد الي خلاني نكمل العام ببرشا حب و حنان.. العبد الي خذا بلاصة الحاضر و الماضي و خلاني نحب نحب و نحب نرجع لحياتي، في وقت الي وصلت فيه لأخيب مراحل من حياتي لقيتو هو جاني كيما يقولوها هبطلي مالسماء و في مدة صغيرة عمل معايا الي معملوش عبد آخر في عامين، بعد ما كرهت 2020 و كنت ندعي باش يوفى كيف عرفتك وليت ندعي باش الوقت ياقف باش نعدي معاك أكثر سوايع أما قد ما العام تعدى بالسيف قد ما تو معادش يحب يستنى. 2020 كان من أخيب العوام في حياتي أما كيف عرفتك انت حبيتو و حبيتك أكثر و اذا مكتّب ربي العوام الي جايين باش يكونو أحسن و أحسن.

شيماء عطية

Sometimes in life there are losses, losses that can never be replaced, someone you can never replace or change. Losing you has been the hardest thing I’ve ever had to live with. The fact that you’re going out of my life for forever really hurts me. I was never ready to live a life without you, I wasn’t ready to say goodbye, I wasn’t ready to let you leave. I would give anything for just one more day at least to fix what had been broken. But I’ve learned to trust in unconditional love. Before I thought that our relationship can never end. Some bonds cannot be broken even though you’re not physically here, your heart is, it lives on within me. I carry your soul inside mine. But I will always wait and still have that little hope to meet you again, maybe in another time or in another life but I will. Someday, we will meet again and we will no longer be separated by time or space, but until that day, I will comfort it knowing that you’re still with me. Some hearts just belong together and nothing will ever change that. I feel like you’re always belonged, like you’re home. Now I’m homeless but in some moment I’ll be back home again. We’re like the stars and moon, we shine differently but incompletely without each other’s lights and no matter the distance we will always be under the same sky.

I loved you then, I love you now, always did and always will.

Forever in my mind, forever in my heart I will carry you❤️…

Shaima attia

تسأل روحك زعما يحبني؟ موش لازم يقلك كلمة نحبك باش تعرف حتى « رد بالك على روحك » و « كي توصل كلمني » و برشا حاجات يوريوك الي هو يحبك أكثر مالكلام الحلو الكل. و الكلام يوفى أما الحب من داخل متاع الخوف و الغيرة ما يوفاش. ينجم يقلك الي هو ميحبكش أما يفرح كي يسمع عليك حاجة باهية و الا يشوفك، يتوحشك و مايقولكش و برا لوج علاش أما كي تقعدو برشا بعاد على بعضكم يفقدك و يكلمك و بسأل عليك، يبدى حاشم كي تبداو مبعضكم و انت تسيب في تفاهتك و هبلتك قدام العباد أما من داخل يبدى عامل عليك جو. كي تبدى متقلقة و عندك مشاكل يعاونك بكلمة، بتعنيقة تنسيك في كل شي خايب. انتي تقول الي هو ميخممش فيك أما هو قاريلك ألف حساب، ميتفكركش في نهارو أما كي تعدي برشا متحكيش معاه يبدى يدادي و يلاجي يلوج عليك و ميحبش يحكي معاك خاطر « الكبرياء متاعو ميسمحلوش، وقتها يكلمك و يتحجج بأي حاجة تخطرلو في مخو. يبدى خايف عليك من كل شي حتى من روحو و يقول نمشيشي نعمللها حاجة نوجعها بيها. يضربك و يكبلك سعدك كي تعمل حاجة غالطة و فما مرات قاعدة معاه في أمان الله يجيك كف لا يقرى لا يكتب، حتى العنف ينجم يكون وسيلة من وسائل التعبير عالحب. ريتو هذا الي كنت نحكي عليه الكل هذاكا حب زادا أما فما حب من حب، هاذي هي ال relation الي عمرك لاك باش تلقالها اسم، هي حاجة تصيرلك مرة برك في حياتك مع عبد برك و تنجم تكون هذاكا معنى

« لا نحبك لا نصبر عليك »

شيماء عطية

كل يوم نهار جديد تقوم الصباح على حاجة جديدة، نهار موش كي الي قبلو، حتى كان تقول الي انت عايش في routine و أياماتك الكل يتعاودو موش صحيح، ماكش باش تشوف نفس العباد كل يوم و ماكش باش تمشي من نفس الثنية، و بش يصيرو حاجات مكنتش تتوقعهم و من كل نهار تعديه باش تتعلم حاجة جديدة، يموتو عباد و يتولدو عباد و حياتك قصيرة لازم تستغل كل ثانية منها و الحاجة الي في مخك و تحب تعملها اليوم متقولش « لا خلي لغدوة » و ماتضيعش وقتك مع عباد متستاهلكش عيش لروحك و للعباد الي تحبك. أغلط و صلح و كي يصيرو حاجات خايبة متأيسش و متندمش علي عملتو. أغلط مرة و ثنين و عشرة ميسالش، ماتخلقناش perfect أما تعلم من أغلاطك. ابدا نهارك بتبسيمة بضحكة و قول ليوم نهار جديد يتعدى بالباهي و بالخايب❤️

شيماء عطية

عام كامل 365 يوم… كي تسمع كلمة عام كامل تحسها برشا وقت أما هي حل عينك غمضها.. تعدى عام بالضبط أما مزلت نتفكر عمناول كيما اليوم شنوة صار حتى مالبلاصة منسيت شي و نعرف الي انت زادا تتفكر كل شيء اما متحبش تقلي، كي نتفكر احنا كيفاش عمناول و الكلام الي تقال و الحاجات الي صارو و نشوف تو فلي قاعد يصير تقول موش نفس العباد و الكلام الي تقال عمرو ما خرج من فم حد ويكذب عليك الي يقلك مانتبدلش، كان جا ميتبدل حد راهي حياتنا فارغة مافيها شيء، صحيح كي تقعد تتفكر و الا تجيك souvenir على insta باش ترجع ب روحك للعام هكا و تتفكر اليصار فالنهار هكا بالباهي ولا بالخايب ممكن تفرح ممكن تبكي و تتوحش شنوة صار خاطر عمرك لاك باش تعاود الحاجة هاكي ممكن تبكي خاطر تتفكر حد عزيز عليك في وقت مالأوقات كان قريبلك أما تو بعيد عليك بعد السماء عالأرض، كيما زادا ممكن يجي نهار و تعاود تعيش الي عشتو نهار من النهارات… و فمّا حاجات ما إسمهمش souvenirs إسمهم كيف كنت بهيم ..😂 بعد ساعات نتمنى باش ننسى الي صار و نحي كل شيء من مخي، صحيح ربي عطانا نعمة النسيان، أما أنا كي نحبك معايا و مانلقاكش نولي منحبش ننساك و كيما قلت قبل نخترعك في خيالي و بيك نعيش… حتى كان نحب نخرجك من حياتي منجمش خاطرك موجود في كل تفصيل فيها خاطر كي نحل عينيا نشوفك و كي نسكرهم نشوفك… و نفس الإحساس الي حسيتو عندي عام قاعدة نحس في نفسو تو.. حتى كان احنا تبدلنا متأكدة الي قلوبنا عمرها ما تتبدل بيناتنا. و بطول المدة ماكش باش تنسى اما كي تتفكر القديم معادش باش تتأثر

Thank you for all those memories❤️I’ve written this with tears in my eyes because I’m just glad that we once made beautiful moments together you made this day so special for me, last year You made me the happiest person ever. I love you❤️

After a breakup, we all say that we’re never gonna love again specially when you were truly in love with that person, we’re gonna get hurt, we’re gonna cry. It’s okay to cry, it’s not easy to move on from a person you love, it’s gonna take you like 6 months, a year.. but in the end you’re gonna move on and begin a new life with another person. We should never lose the idea that you’re gonna be in love again one day, let your heart be free and open it up, the whole story is not about you maybe all this is happening because the other person is not worth it and he wasn’t the one for you, maybe he was just playing games with you, not because he once said that he loves you so he really means it, stop saying I love you and stop lying, it’s the most misused phrase on earth. The word Love is not that priceless to say to anyone, it’s not just a word, love is a feeling. What most people call love today isn’t love at all, it’s possession, I feel most people in our generation don’t know the difference. Here’s an example: love says “I want you to be happy” possession says “I want you to make me happy”, possession wants to control, love wants to free. But when you truly love someone and you have problems don’t let go of them, if something was broken, fix it don’t just throw it away. True love is so hard these days, so don’t be so obsessed with your ex lover, don’t locked up your heart, get to know new people and don’t be afraid to love over and over again. I’m not gonna love you forever, I’ll find myself another love♥️

ماكش معايا أما نرى فيك في كل بلاصة، كل عبد يتعدى بجنبي نحسو انتي، نجبد اسمك و صفاتك في كل موضوع، نكتب عليك كيما تو، كل ما نسمع غناية نتفكرك، يقولو الحب أعمى أما عمري ما كنت عمياء بلاش بيك، كي تبدى معايا نشوفك كان انتي و كي تبدى بعيد عليا نشوفهم الكل انتي، حتى لو كان عمرنا لا نوليو لبعضنا في مخي أنا و انتي واحد، و حتى كان كل واحد في طريق في خيالي طريقك هو طريقي، خلي يقولو هبال خلي يقولو الي يحبو أما عمري ما نحيك من مخي قبل قلبي، كنت و باش تقعد انتي ديما، نهاري و ليلي، صيفي و شتايا، انتي شمسي الي متغيبش و انتي فرحتي الي متزولش…. منعرفش كان تحس بالي نحس بيه اما بالي باش يصير ماني باش نحب حد لا قدّك و لا بعدك، باش نخترعك في خيالي و ديما بيك باش نعيش

شيماء عطية♥️